سالگرہ سے ایک دن قبل 2 لاکھ ڈالر کی لاٹری کا تحفہ

نیبراسکا: امریکا میں ایک شخص نے اپنی سالگرہ سے ایک دن قبل دو لاکھ ڈالر کی لاٹری جیت کر اپنی سالگرہ کا تحفہ حاصل کر لیا۔

امریکی ریاست نیبراسکا کے اسپرنگ فیلڈ کے رہائشی مائیکل ہینریک نے بتایا کہ وہ ایک پِٹ اسٹاپ پر تھے جب انہوں نے ایک شخص کو لاٹری خریدتے دیکھا اور فیصلہ کیا کہ وہ بھی ایک ٹکٹ خریدیں گے۔ انہوں نے 20 ڈالر کا ٹائٹینیئم ٹکٹ خریدا اور جب انعام دیکھا تو حیرت میں پڑ گئے۔

مائیکل نے بتایا کہ ابتدا میں انہیں لگا کہ ان کا انعام 20 ڈالر ہے۔ انہوں نے ٹکٹ کو کھرچنا جاری رکھا، امید کی کہ شاید انعام 200 ڈالر ہو۔ لیکن بعد میں انہیں ایک بڑا انعام دکھائی دیا۔

جب انہوں نے پورا ٹکٹ کھرچ کر دیکھا تو پتہ چلا کہ سالگرہ سے ایک روز پہلے انہوں نے دو لاکھ ڈالر کا انعام جیت لیا ہے۔ یہ خبر ان کے لیے ایک شاندار سالگرہ کا تحفہ بن گئی۔