ساف انڈر 17 فٹبال چیمپئن شپ: اپنے دوسرے میچ میں پاکستان اور بھوٹان کا مقابلہ 3-3 گولز سے برابر رہا۔
بھوٹان نے ہوم گراؤنڈ پر شاندار کھیل کا مظاہرہ کرتے ہوئے پاکستان کی برتری کو ختم کیا اور میچ کو برابر کر دیا۔ گرین شرٹس نے 38ویں منٹ میں خبیب کے گول کی بدولت برتری حاصل کی، اور پھر 46ویں منٹ میں سبحان کریم نے مزید ایک گول کر کے فرق دوگنا کر دیا۔
تاہم، بھوٹان نے عمدہ واپسی کرتے ہوئے 2-2 سے میچ برابر کیا۔ 67ویں منٹ میں عبدالصمد نے پاکستان کے لیے تیسرا گول کر کے دوبارہ برتری دلائی، لیکن بھوٹان نے اختتامی لمحات میں گول کرکے میچ کو ڈرا کر دیا۔
اس سے پہلے، پاکستان نے اپنے پہلے میچ میں نیپال کو 0-1 سے شکست دی تھی۔ پاکستان ایونٹ میں اپنا آخری میچ 25 ستمبر کو سری لنکا کے خلاف کھیلے گا۔
