ممبئی: بالی ووڈ کے لیجنڈری اداکار اور فلمساز راج کپور نے اپنی پوتی کرشمہ کپور کی پیدائش پر ایک دلچسپ شرط رکھی تھی۔
بھارتی میڈیا کی رپورٹ کے مطابق، کرشمہ کی والدہ ببیتا نے ایک انٹرویو میں بتایا کہ 1974 میں کرشمہ کی پیدائش کے وقت پورا کپور خاندان اسپتال میں موجود تھا۔ اس دوران راج کپور نے شرط رکھی کہ اگر ان کی پوتی کی آنکھیں نیلی ہوں گی تو وہ اسے دیکھنے اسپتال آئیں گے۔
ببیتا نے کہا کہ ہم نے شکر ادا کیا کہ کرشمہ کی آنکھیں اپنے دادا راج کپور کے جیسی نیلی تھیں۔
کرشمہ نے اپنے دادا کے کہنے پر صرف 17 سال کی عمر میں بالی ووڈ میں قدم رکھا اور وہ ماضی میں بھارت کی مقبول ترین اداکاراؤں میں شمار کی جاتی ہیں۔
لیجنڈری اداکار راج کپور، جو رشی کپور اور رندھیر کپور کے والد تھے، 1988 میں 63 سال کی عمر میں انتقال کر گئے۔
