کراچی: تکنیکی اور انتظامی مسائل کی وجہ سے کراچی ائیر پورٹ سے روانہ ہونے والی متعدد پروازیں منسوخ کر دی گئی ہیں۔
ذرائع کے مطابق، منسوخ ہونے والی پروازوں میں الجزیرہ ایئر کی باکو جانے والی پرواز، ایئرسیال کی کراچی سے اسلام آباد جانے والی پرواز، اور پی آئی اے کی کراچی سے گوادر جانے والی پرواز شامل ہیں۔
کراچی ائیر پورٹ پر غیر ملکی پرواز کی ہنگامی لینڈنگ
اس کے علاوہ، دیگر منسوخ ہونے والی پروازوں میں پی آئی اے کی کراچی سے جدہ، پی آئی اے کی کراچی سے فیصل آباد، سیرین ایئر کی کراچی سے لاہور، پی آئی اے کی کراچی سے کوئٹہ، پی آئی اے کی کراچی سے سکھر، اور ائر بلو کی کراچی سے لاہور کی پروازیں بھی شامل ہیں۔
ایئر پورٹ حکام نے منسوخی کی وجوہات کی تفصیلات فراہم نہیں کیں، لیکن بتایا ہے کہ مسئلے کے حل کے لیے اقدامات کیے جا رہے ہیں۔ متاثرہ مسافروں کو متبادل پروازوں یا دیگر سہولتوں کی پیشکش کی جا رہی ہے۔
