عالمی شہرت یافتہ فٹبالر کرسٹیانو رونالڈو نے سوشل میڈیا کی دنیا میں ایک نیا سنگ میل عبور کرتے ہوئے ایک بلین فالوورز حاصل کرلیے ہیں۔
پرتگالی اسٹار نے مختلف سوشل میڈیا پلیٹ فارمز پر اپنے فالوورز کی تعداد کو ایک بلین تک پہنچا کر تاریخ رقم کی ہے، جس کے نتیجے میں وہ سوشل میڈیا پر ایک بلین فالوورز رکھنے والے دنیا کے پہلے فرد بن گئے ہیں۔
فی الحال، کرسٹیانو رونالڈو کے انسٹاگرام اکاؤنٹ پر 638 ملین فالوورز، فیس بک پر 170 ملین فالوورز، ایکس (سابقہ ٹوئٹر) پر 113 ملین فالوورز، کوائیشو پر 9.4 ملین فالوورز، ویبو پر 7.5 ملین فالوورز، اور یوٹیوب چینل پر 60.6 ملین سبسکرائبرز موجود ہیں۔
