راولپنڈی: انسداد دہشتگردی عدالت نے بانی پاکستان تحریک انصاف (پی ٹی آئی) عمران خان کی جانب سے جیل میں کتب کی فراہمی اور بچوں سے ٹیلی فونک گفتگو کی درخواستیں منظور کر لی ہیں۔
انسداد دہشتگردی عدالت کے جج امجد علی شاہ نے عمران خان کی درخواستوں پر سماعت کی اور دونوں درخواستیں منظور کرتے ہوئے حکم دیا کہ عید سے قبل عمران خان کی بچوں سے ٹیلی فونک گفتگو کرائی جائے۔جیل میں عمران خان کو کتب فراہم کی جائیں۔عدالت نے اس حوالے سے سپرنٹنڈنٹ اڈیالہ جیل کو احکامات جاری کر دیے ہیں۔
واضح رہے کہ عمران خان کے وکیل نے جی ایچ کیو حملہ کیس میں مختلف درخواستیں دائر کی تھیں، جن پر گزشتہ روز پراسیکیوٹر اور وکلاء صفائی کے دلائل مکمل ہوئے تھے۔
