نئی دہلی ۔بھارتی اداکارہ ممتا کلکرنی نے حالیہ انٹرویو میں کہا ہے کہ وہ ابھی تک کنواری ہیں، اور اس بات پر لوگ یقین نہیں کر پاتے کیونکہ ان کے مطابق، بالی ووڈ میں داخل ہونے کے لیے لوگ کچھ بھی کر گزرتے ہیں۔ تاہم، ممتا کا کہنا تھا کہ ان کے معاملے میں ایسا کچھ نہیں تھا۔
رجت شرما کے مشہور ٹی شو ’آپ کی عدالت‘ میں بات کرتے ہوئے ممتا نے متنازع فوٹو شوٹ کے بارے میں بھی گفتگو کی۔ انہوں نے بتایا کہ جب ان کے ساتھ یہ واقعہ پیش آیا، وہ نویں جماعت میں تھیں، اور اس وقت انہیں اسٹار ڈسٹ میگزین کی ٹیم نے ہالی ووڈ اداکارہ ڈیمی مور کی ایک تصویر دکھائی تھی، جسے وہ فحش نہیں سمجھتی تھیں۔
ممتا نے وضاحت کی کہ ان کے والد 35 سال تک ٹرانسپورٹ کمشنر رہے تھے، اور چونکہ انہیں جنسیت کے بارے میں کچھ زیادہ علم نہیں تھا، اس لیے وہ ننگی تصویر کو فحش نہیں سمجھ پائی تھیں۔ ان کا کہنا تھا کہ اگر آپ جنسی طور پر بیدار نہیں ہیں، تو آپ ننگی تصویر کو فحاشی سے نہیں جوڑیں گے۔
انہوں نے مزید کہا کہ جب گانوں میں پرفارم کرنے کی بات آئی تو وہ ہمیشہ ڈانس اسٹیپس پر توجہ دیتی تھیں اور بولوں پر دھیان نہیں دیتی تھیں۔
ممتا کلکرنی کا مشہور ٹاپ لیس فوٹو شوٹ پورے ملک میں بحث کا باعث بنا تھا، اور انہوں نے اس حوالے سے کھل کر بات کی کہ اس وقت ان کی عمر کم تھی اور انہیں اس سب کا صحیح طور پر ادراک نہیں تھا، اور ان کے ذہن میں صرف کیریئر آگے بڑھانے کی خواہش تھی۔
دسمبر 2024 میں بھارت واپس آنے والی ممتا کلکرنی گزشتہ ماہ مہا کمبھ میلہ میں کِنر اکھاڑے کی ’مہامنڈلیشور‘ کے طور پر نامزد کی گئی تھیں، لیکن چند دنوں بعد انہیں اس عہدے سے ہٹا دیا گیا تھا۔
