اسلام آباد۔ راولپنڈی اسلام آباد یونین آف جرنلسٹس کے صدر طارق علی ورک نے نیشنل اسکلز یونیورسٹی اسلام آباد کے وائس چانسلر پروفیسر ڈاکٹر محمد مختار سے ملاقات کی اور صحافیوں کے لئے ڈیجیٹل میڈیا ورکشاپ کے انعقاد کرنے کی تجویز دی ہے ۔
نیشنل اسکلز یونیورسٹی اسلام آباد کے وائس چانسلر نے سکل ڈویلپمنٹ کے میدان میں ڈیجیٹل میڈیا کی تعلیم کو شامل کرنے کیلئے اپنے عزم کااظہار کرتے ہوئے کہا کہ آئندہ چند ماہ میںورکشاپ کا انعقاد متوقع ہے جس میں مواد تخلیق، سوشل میڈیا حکمت عملی، ڈیجیٹل کہانی نویسی، اور آن لائن پلیٹ فارمز کے اخلاقی استعمال جیسے موضوعات شامل ہوں گے۔
دونوں رہنماﺅں کی ملاقات کا مقصد ایک ڈیجیٹل میڈیا ورکشاپ کے انعقاد کے حوالے سے منصوبہ بندی کرنا تھا جو نوجوانوں کو تیزی سے بدلتی ہوئی ڈیجیٹل دنیا میں مہارت حاصل کرنے کے لیے تیار کرے گی۔یہ ملاقات یونیورسٹی کے مین کیمپس میں ہوئی، جہاں دونوں رہنماو¿ں نے پاکستان میں اسکل ڈویلپمنٹ کے میدان میں ڈیجیٹل میڈیا کی تعلیم کو شامل کرنے کے لیے مشترکہ عزم کا اظہار کیا۔
طارق علی ورک نے کہاآج کے دور میں جہاں معلومات لمحوں میں دنیا بھر میں پھیلتی ہیں، ڈیجیٹل پلیٹ فارمز کی مہارت حاصل کرنا ایک ضرورت بن چکا ہے،پروفیسر ڈاکٹر محمد مختار نے کہا کہ نیشنل اسکلز یونیورسٹی اسلام آباد 21ویں صدی کے چیلنجز اور مواقع کے لیے اپنے طلباءکو تیار کرنے کے لیے پرعزم ہے۔
یہ ورکشاپ ہمارے نوجوانوں میں ڈیجیٹل مہارتوں کو فروغ دینے کے لیے ایک سنگ میل ثابت ہوگی،اس ورکشاپ کا آغاز آئندہ چند ماہ میں متوقع ہے، جس میں مواد تخلیق، سوشل میڈیا حکمت عملی، ڈیجیٹل کہانی نویسی، اور آن لائن پلیٹ فارمز کے اخلاقی استعمال جیسے موضوعات شامل ہوں گے۔
یہ پروگرام طلبائ، اساتذہ، اور صنعت کے ماہرین کو ایک ساتھ لانے کے لیے ایک اشتراکی ماحول فراہم کرے گا۔ان کا کہنا تھا کہ یہ اقدام یونیورسٹی کے اس وسیع مشن کا حصہ ہے جس کے تحت پاکستان میں مہارتوں کے خلا کو پ±ر کرنے کے لیے ایسے پروگرام متعارف کرائے جا رہے ہیں جو جدید دور کی افرادی قوت کی ضروریات کے مطابق ہوں۔
