لاہور۔پاکستان شوبز کی معروف اداکارہ ایمن سلیم کے ہاں پہلے بچے کی پیدائش ہوئی ہے، جس کی خوشخبری انہوں نے اپنے مداحوں کے ساتھ سوشل میڈیا پر شیئر کی ہے۔
ایمن سلیم نے انسٹاگرام پر ایک دلکش پوسٹ کی، جس میں نومولود کے ننھے پیروں کی تصویر کے ساتھ اپنے بیٹے کی پیدائش کی اطلاع دی۔
اپنی پوسٹ میں اداکارہ نے لکھا: “دو افراد سے تین افراد کے خاندان تک کا سفر، ہمارے بچے کے ساتھ پچھلے چھ ہفتے ہمارے لیے کسی معجزے سے کم نہیں رہے۔”
ایمن سلیم نے اپنے بیٹے کا نام کیحان ملک بتایا اور اسے دنیا میں خوش آمدید کہا۔
یہ بات قابل ذکر ہے کہ ایمن سلیم سابق کرکٹر سلیم یوسف کی بیٹی ہیں۔ وہ دسمبر 2023 میں کامران ملک کے ساتھ ازدواجی بندھن میں بندھی تھیں۔
