کیپ ٹائون۔جنوبی افریقہ نے پاکستان کے خلاف دوسرے ٹیسٹ میچ کی پہلی اننگز میں شاندار بیٹنگ کرتے ہوئے 615 رنز بنائے۔ ریان رکلٹن نے 259 رنز کی غیرمعمولی اننگز کھیلی اور نمایاں بلے باز رہے۔
دوسرا دن
جنوبی افریقہ نے دوسرے دن 316 رنز 4 وکٹوں کے نقصان پر اپنی اننگز کو آگے بڑھایا۔ ریان رکلٹن 259 رنز کی شاندار اننگز کھیلنے کے بعد میر حمزہ کی گیند پر آؤٹ ہوئے۔ دیگر کھلاڑیوں میں کائل ویرین نے 100، مارکو جینسن نے 62، کیشو مہاراج نے 40، ڈیوڈ بیڈنگھم نے 5 اور کیوینا مفاکا نے بغیر کوئی رن بنائے پویلین واپسی کی راہ لی۔
کیگیسو رباڈا 6 رنز کے ساتھ ناٹ آؤٹ رہے۔
پاکستان کے باؤلرز میں محمد عباس اور سلمان آغا نے عمدہ کارکردگی دکھاتے ہوئے 3، 3 کھلاڑیوں کو آؤٹ کیا، جبکہ میر حمزہ اور خرم شہزاد نے 2، 2 وکٹیں حاصل کیں۔
پہلا دن
پہلے دن جنوبی افریقہ نے ٹاس جیت کر پہلے بیٹنگ کا فیصلہ کیا اور دن کے اختتام پر 4 وکٹوں کے نقصان پر 316 رنز بنائے۔
ابتدائی نقصان کے بعد ریان رکلٹن اور کپتان ٹیمبا بووما کے درمیان 235 رنز کی شاندار شراکت داری نے ٹیم کو مشکل صورتحال سے نکالا۔
کپتان ٹیمبا بووما 106 رنز بنا کر آؤٹ ہوئے جبکہ ایڈن مارکرم 17، ویان مولڈر 5، اور ٹرسٹن اسٹبس بغیر کوئی رن بنائے پویلین لوٹے۔
پاکستان کے لیے سلمان آغا نے 2 جبکہ خرم شہزاد اور محمد عباس نے ایک، ایک وکٹ حاصل کی۔
