لاہور۔پاکستان میں موٹر سائیکل کے صارفین کی پہلی ترجیح ہونڈا کی موٹر سائیکلز ہیں، اور اس کی مقبولیت کی وجہ اس کی بہترین کارکردگی اور فیول ایوریج ہے۔
تفصیلات کے مطابق، ہونڈا کی CG 125 کی شکل و صورت میں گزشتہ دو دہائیوں میں بڑی تبدیلی نہیں کی گئی، تاہم کمپنی مختلف رنگوں اور سٹیکرز کا اضافہ کرتی رہی ہے۔ اس مرتبہ ہونڈا نے CG 125 میں نیلے رنگ کا اضافہ کیا ہے، جو یقینی طور پر صارفین کی پسندیدہ رنگوں میں شامل ہوگا۔
اٹلس ہونڈا نے CG 125 خریدنے کے خواہشمند افراد کے لیے یہ نیا نیلا رنگ متعارف کرایا ہے، جس کی قیمت 2 لاکھ 34 ہزار 900 روپے ہے۔ نئے سال کے آغاز پر اس کی قیمت میں کوئی تبدیلی نہیں کی گئی، البتہ نئے رنگ کا اضافہ کیا گیا ہے۔
اس کے علاوہ، ہونڈا 125 سیلف سٹارٹ ماڈل کی قیمت 2 لاکھ 82 ہزار 900 روپے برقرار ہے۔
