پشاور۔خیبرپختونخوا کے دارالحکومت پشاور سے تعلق رکھنے والی علی سسٹرز نے اسکاٹش جونیئر اوپن اسکواش چیمپین شپ میں شاندار کارکردگی کا مظاہرہ کرتے ہوئے سیمی فائنلز کے لیے کوالیفائی کرلیا اور برانز میڈلز کے حصول کو یقینی بنایا۔
اسکاٹ لینڈ کے شہر ایڈنبرگ میں جاری اسکاٹش جونیئر اوپن اسکواش چیمپین شپ کے گرلز انڈر-17 ایونٹ کے کوارٹر فائنل میں مہوش علی نے اپنی حریف ڈاہیلہ کو 1-3 سے شکست دی۔ دوسری طرف، گرلز انڈر-15 ایونٹ کے کوارٹر فائنل میں سحرش علی نے میزبان کھلاڑی فریحہ کو بغیر کوئی گیم ہارے 0-3 سے شکست دے کر سیمی فائنل میں جگہ بنائی۔
اس کے علاوہ، علی سسٹرز کی سب سے چھوٹی بہن ماہ نور علی نے بھی بہترین کارکردگی کا تسلسل برقرار رکھتے ہوئے حال ہی میں امریکی شہر فلاڈیلفیا میں یو ایس اوپن جونیئر چیمپین شپ کے گرلز انڈر-13 ٹائٹل کا کامیاب دفاع کیا۔ ماہ نور علی نے اس چیمپین شپ کے گرلز انڈر-13 ایونٹ کے کوارٹر فائنل میں مد مقابل لیلیان کروپ کو 0-3 سے زیر کر کے فائنل میں جانے کی تیاری مکمل کرلی ہے۔
