“نورا فتیحی کی دہلی میں کرن اوجلہ کے کنسرٹ میں شاندار ڈانس پرفارمنس، انٹرنیٹ پر دھوم”

مشہور اداکارہ اور ڈانسر نورا فتیحی نے دہلی میں کرن اوجلہ کے لائیو کنسرٹ میں اپنی شاندار ڈانس پرفارمنس سے حاضرین کو مسحور کر دیا۔ نورا فتیحی نے کرن اوجلہ کے گانے “آئے ہائے” پر ڈانس کیا، جو نہ صرف ان کی پرفارمنس کا حصہ تھا بلکہ اصل ویڈیو میں بھی نورا شامل ہیں۔

نورا فتیحی نے انسٹاگرام پر اپنی پرفارمنس کی ایک جھلک شیئر کرتے ہوئے کرن اوجلہ کا شکریہ ادا کیا اور کہا، “شکریہ @karanaujla دہلی میں اپنے اسٹیج پر مجھے جگہ دینے کے لیے! ماحول شاندار تھا، دہلی آپ شاندار تھے، دوبارہ ملاقات ہوگی۔”

کرن اوجلہ نے بھی اس موقع کو شاندار تجربہ قرار دیتے ہوئے کہا کہ یہ پہلا موقع تھا جب دونوں نے اپنے گانے پر لائیو پرفارم کیا۔ کنسرٹ کے دوران حاضرین “نورا” کے نام کے نعرے لگاتے رہے اور ان کی پرفارمنس کو انٹرنیٹ پر بھرپور پذیرائی ملی۔ انسٹاگرام پر ایک صارف نے لکھا، “نورا، آپ نے اسٹیج کو آگ لگا دی جیسے ہر بار کرتی ہیں۔” دوسرے نے کہا، “آپ نے اس اسٹیج کو روشن کر دیا۔”