دبئی۔پاکستانی ڈرامہ اور فلم انڈسٹری کی معروف اداکارہ نیلم منیر اپنی خوبصورتی اور بہترین اداکاری کی بدولت شائقین کے دلوں میں منفرد مقام رکھتی ہیں۔
حال ہی میں نیلم منیر نے شادی کے بندھن میں بندھنے کا اعلان کیا، جس کے بعد ان کی مہندی، نکاح، اور برات کی تصاویر سوشل میڈیا پر خوب وائرل ہوئیں۔ اب اداکارہ نے اپنے ولیمے کی تصاویر بھی مداحوں کے ساتھ شیئر کی ہیں، جنہیں بے حد پسند کیا جا رہا ہے۔
ولیمے کے موقع پر دولہا محمد راشد نے کالی شیرانی پہن رکھی تھی، جبکہ نیلم منیر چمکدار سلور گرے لباس میں نہایت خوبصورت لگ رہی تھیں۔ اس جوڑے کی تصاویر نے سوشل میڈیا پر دھوم مچا دی ہے، اور مداح ان کی دلکش تصاویر کو بھرپور پسند کر رہے ہیں۔
یہ بھی یاد رہے کہ نیلم منیر کی شادی کے حوالے سے یہ افواہیں گردش کر رہی تھیں کہ انہوں نے کسی اماراتی شہری سے شادی کی ہے، لیکن اب واضح ہوا ہے کہ ان کے شوہر کا تعلق پاکستان سے ہی ہے۔
