پرواز میں بھارتی مسافروں کا غیر مہذب رویہ: ویڈیو وائرل

ایک سوشل میڈیا صارف، انکت کمار، نے حال ہی میں انسٹاگرام پر ایک ویڈیو شیئر کی جس میں تھائی لینڈ کی فضائی پرواز کے دوران بھارتی مسافروں کی جانب سے غیر موزوں رویہ دکھایا گیا۔ انکت کمار، جو خود بھی تھائی ایئر ایشیا کی اس پرواز پر موجود تھے، نے ویڈیو میں بھارتی مسافروں کو پرواز کے دوران کھڑے ہو کر گپ شپ کرتے اور کھانا کھاتے ہوئے دکھایا۔

ویڈیو میں صارف نے بتایا کہ اس نے پرواز کے دوران یہ منظر دیکھا جس پر اس کا خیال تھا کہ لوگوں کی توجہ دینی چاہیے۔ ویڈیو میں کیبن کریو کو مسافروں کو سیٹوں پر واپس جانے کے لیے ہدایات دیتے ہوئے دکھایا گیا، لیکن بھارتی مسافروں نے ان کی ہدایات کو نظرانداز کر دیا۔

انکت کمار نے اس پر تنقید کرتے ہوئے کہا کہ بھارتیوں کا یہ رویہ غیر مہذب ہے اور وہ ہر جگہ اپنی بےعزتی کروانا پسند کرتے ہیں۔ صارف نے مزید کہا کہ بھارتیوں نے پرواز کو ایک بس یا ٹرین سمجھا ہوا تھا، اور دوران پرواز کھڑے ہو کر سفر کر رہے تھے، جو کہ ہوائی سفر کے اصولوں کے خلاف تھا۔