جنوبی افریقہ کے دورے کے لیے قومی کرکٹ ٹیم کے اہم کھلاڑیوں کی واپسی کے حوالے سے مشاورت کا عمل آخری مراحل میں پہنچ گیا ہے۔
ذرائع کے مطابق، جنوبی افریقہ کے خلاف ہونے والی ون ڈے سیریز میں قومی ٹیم کے کپتان بابر اعظم، شاہین شاہ آفریدی اور نسیم شاہ کی واپسی متوقع ہے، جبکہ فخر زمان کا نام بھی زیر غور ہے۔ چیمپئنز ٹرافی کے پیش نظر سلیکشن کمیٹی نے فخر زمان کو ٹیم کی ضرورت قرار دیا ہے، اس لیے وہ جلد وائٹ بال فارمیٹ میں ٹیم کا حصہ بن سکتے ہیں۔
جنوبی افریقہ کے خلاف دو ٹیسٹ میچز کی سیریز کے حوالے سے بھی اطلاعات ہیں کہ امام الحق کا نام ریڈ بال ٹیم میں شامل کیا جا سکتا ہے، تاہم صائم ایوب اور عبداللہ شفیق کی موجودگی میں اس فیصلے کا انحصار میچ کی صورتحال پر ہو گا۔
دوسری جانب، ٹی20 سیریز کے لیے نوجوان کھلاڑیوں کو موقع دینے کی تجویز ہے، جبکہ سینئر کھلاڑیوں کو آرام دینے کا امکان ہے۔ جنوبی افریقہ کے خلاف اسکواڈ کا اعلان زمبابوے کے خلاف ون ڈے سیریز کے اختتام اور ٹی20 سیریز کے آغاز کے موقع پر متوقع ہے۔
یہ بھی یاد رہے کہ زمبابوے کے خلاف ون ڈے سیریز میں بابر اعظم، شاہین آفریدی اور نسیم شاہ کو آرام دیا گیا تھا، اور ٹی20 سیریز میں کپتان محمد رضوان کی جگہ ان کے نائب سلمان آغا قیادت کے فرائض انجام دیں گے۔
پاکستان کرکٹ ٹیم کو جنوبی افریقہ کے خلاف 3 ون ڈے، 3 ٹی20 اور 2 ٹیسٹ میچز کی سیریز کھیلنی ہے۔
ذرائع کے مطابق، جنوبی افریقہ کے خلاف ہونے والی ون ڈے سیریز میں قومی ٹیم کے کپتان بابر اعظم، شاہین شاہ آفریدی اور نسیم شاہ کی واپسی متوقع ہے، جبکہ فخر زمان کا نام بھی زیر غور ہے۔ چیمپئنز ٹرافی کے پیش نظر سلیکشن کمیٹی نے فخر زمان کو ٹیم کی ضرورت قرار دیا ہے، اس لیے وہ جلد وائٹ بال فارمیٹ میں ٹیم کا حصہ بن سکتے ہیں۔
جنوبی افریقہ کے خلاف دو ٹیسٹ میچز کی سیریز کے حوالے سے بھی اطلاعات ہیں کہ امام الحق کا نام ریڈ بال ٹیم میں شامل کیا جا سکتا ہے، تاہم صائم ایوب اور عبداللہ شفیق کی موجودگی میں اس فیصلے کا انحصار میچ کی صورتحال پر ہو گا۔
دوسری جانب، ٹی20 سیریز کے لیے نوجوان کھلاڑیوں کو موقع دینے کی تجویز ہے، جبکہ سینئر کھلاڑیوں کو آرام دینے کا امکان ہے۔ جنوبی افریقہ کے خلاف اسکواڈ کا اعلان زمبابوے کے خلاف ون ڈے سیریز کے اختتام اور ٹی20 سیریز کے آغاز کے موقع پر متوقع ہے۔
یہ بھی یاد رہے کہ زمبابوے کے خلاف ون ڈے سیریز میں بابر اعظم، شاہین آفریدی اور نسیم شاہ کو آرام دیا گیا تھا، اور ٹی20 سیریز میں کپتان محمد رضوان کی جگہ ان کے نائب سلمان آغا قیادت کے فرائض انجام دیں گے۔
پاکستان کرکٹ ٹیم کو جنوبی افریقہ کے خلاف 3 ون ڈے، 3 ٹی20 اور 2 ٹیسٹ میچز کی سیریز کھیلنی ہے۔
