نئی دہلی ۔بھارتی میڈیا نے پاک فوج میں ہونے والی ریٹائرمنٹس اور ترقیوں پر توجہ مرکوز کر لی ہے۔ بھارتی جریدے “ریڈف نیوز” نے دعویٰ کیا ہے کہ لیفٹیننٹ جنرل آصف غفور سمیت چار جنرل ریٹائر ہو گئے ہیں اور تین سے چار افسران کو لیفٹیننٹ جنرل کے عہدے پر ترقی دی جائے گی۔یہ بات واضح ہے کہ پاک فوج کے شعبہ تعلقات عامہ، آئی ایس پی آر، نے افسران کی ریٹائرمنٹ کا کوئی باقاعدہ اعلان نہیں کیا، تاہم ریڈف نے کہا کہ لیفٹیننٹ جنرل اختر نواز، کور کمانڈر ملتان لیفٹیننٹ جنرل آصف غفور، کور کمانڈر بہاولپور لیفٹیننٹ جنرل ثاقب محمود ملک، اور نیشنل ڈیفنس یونیورسٹی کے صدر لیفٹیننٹ جنرل محمد علی معمول کے مطابق ریٹائر ہو گئے ہیں۔ان میں سے لیفٹیننٹ جنرل محمد علی کو سیکرٹری دفاع کے عہدے پر مقرر کیا گیا ہے۔ریڈف کے مطابق پاکستان میں تین اسٹار جرنیلوں کی تعداد اب 24 ہے، جن میں 13 انفنٹری، دو انجینیئرز، ایک ایئر ڈیفنس، پانچ آرمرڈ، دو آرٹلری اور ایک ای ایم ای سے تعلق رکھتے ہیں۔ اس طرح تین سے چار جرنیلوں کی ترقی کا امکان موجود ہے۔جریدے نے مزید لکھا کہ بہاولپور اور ملتان کے دیگر کمانڈرز کے علاوہ ایڈجوٹنٹ جنرل اور کوارٹر ماسٹر جنرل کی پوسٹیں بھی خالی ہیں، جس کے باعث آرمی چیف جنرل عاصم منیر آئندہ چند دنوں یا ہفتوں میں اپنی ٹیم میں تبدیلیاں کر سکتے ہیں۔ریڈف نے یہ بھی اطلاع دی کہ آئی ایس آئی کے سربراہ لیفٹیننٹ جنرل محمد عاصم ملک اب سینیئر ترین تھری اسٹار جرنیل بن گئے ہیں،
