پاکستانی ماڈل و اداکارہ نادیہ حسین نے تنازعات میں رہنے والے ڈرامہ رائٹر خلیل الرحمٰن قمر کے لیے توہین آمیز الفاظ استعمال کرنے پر وضاحت کی ہے۔
نادیہ حسین کا ایک ویڈیو کلپ سوشل میڈیا پر وائرل ہو رہا ہے، جس میں انہوں نے خلیل الرحمٰن قمر کو “ذلیل” کہا۔ اس حوالے سے نادیہ نے وضاحت دیتے ہوئے کہا کہ “میں ذلیل کہنا چاہتی تھی لیکن غلطی سے خلیل کہہ دیا۔” جب ان سے پوچھا گیا کہ انہوں نے ‘خلیل’ کیوں کہا، تو انہوں نے بے نیازی سے جواب دیا کہ “کیوں کہ وہ لفظ خلیل سے میچ کرتا تھا۔”
نادیہ نے مزید کہا کہ انہوں نے یہ نہیں کہا تھا کہ یہ لفظ خلیل الرحمٰن قمر کے لیے استعمال کیا گیا ہے۔ “اب یہ لوگوں پر منحصر ہے کہ وہ اسے کن معنوں میں لیتے ہیں۔” انہوں نے وضاحت کی کہ لوگوں نے یہ خیال کیا کہ وہ خلیل الرحمٰن قمر کا حوالہ دے رہی ہیں، لیکن حقیقت میں ایسا نہیں ہے۔ انہوں نے ویڈیو اس لیے بنائی کیونکہ وہ اپنی بات کہنا چاہتی تھیں اور دل کی بات کو باہر نکالنا چاہتی تھیں۔
