کراچی: عالمی شہرت یافتہ اسلامک اسکالر ڈاکٹر ذاکر نائیک نے معروف پاکستانی یوٹیوبر سعد رحمان، المعروف ڈکی بھائی، پر سخت تنقید کی ہے۔
ڈاکٹر ذاکر نائیک اس وقت پاکستان کے دورے پر ہیں، جہاں انہوں نے کراچی میں گورنر ہاؤس سندھ میں ایک بڑے اجتماع کا انعقاد کیا۔ اس اجتماع میں عوام کی بڑی تعداد نے شرکت کی اور ڈاکٹر نائیک نے کئی اہم سوالات کے جواب دیے۔
اسی دوران، انہوں نے اپنی ملاقات کے حوالے سے ڈکی بھائی کا ذکر کیا اور ان کی پسند کے بارے میں تنقیدی رائے پیش کی۔ ڈاکٹر نائیک نے بتایا کہ ڈکی بھائی نے انہیں بتایا کہ اس دنیا میں تین لوگ ہیں جو اسے بہت پسند ہیں، اور وہ ان کے جیسا بننا چاہتا ہے۔ ان میں ایک نام ڈاکٹر نائیک کا بھی شامل تھا، جس پر انہوں نے حیرت کا اظہار کیا۔
ڈاکٹر نائیک نے طنزیہ انداز میں سوال اٹھایا کہ “مجھے کیوں شاہ رخ خان اور ویرات کوہلی کے ساتھ شامل کیا؟ کیا ہم ایک جیسے ہیں؟” ان کے اس بیان نے حاضرین میں مسکراہٹ پیدا کی اور اس معاملے پر مزید غور و فکر کی دعوت دی۔
