پاکستان کی شوبز انڈسٹری کے معروف فنکار اور میزبان عمران اشرف کی سابقہ زوجہ و ماڈل کرن اشفاق نے بیٹی کو جنم دیا ہے۔
کرن اشفاق اور اُن کے دوسرے شوہر حمزہ علی چوہدری نے اپنے آفیشل انسٹاگرام اکاؤنٹ پر ایک پوسٹ کے ذریعے اس خوشخبری کا اعلان کیا۔
انہوں نے لکھا کہ ہم نے اپنی زندگی کی سب سے بڑی خوشی، اپنی بیٹی کو دنیا میں خوش آمدید کہنے کے لیے 9 ماہ کا طویل انتظار کیا ہے۔
کرن اشفاق نے اپنی بیٹی کی تاریخ پیدائش اور نام کا ذکر کرتے ہوئے بتایا کہ ان کے ہاں 5 اکتوبر کو بیٹی کی پیدائش ہوئی ہے جس کا نام “خدیجہ علی” رکھا گیا ہے۔
