نیویارک ۔ پاکستانی کرکٹر رضا حسن نے امریکہ میں ایک بھارتی لڑکی سے منگنی کر لی ہے۔ اس جوڑے کی تصویریں بھی منظر عام پر آئی ہیں۔تفصیلات کے مطابق، رضا حسن نے بھارت سے تعلق رکھنے والی غیر مسلم خاتون پوجا سے منگنی کی، جس کی تقریب نیویارک میں منعقد ہوئی۔ رضا حسن نے بتایا کہ شادی کی باقاعدہ تقریب جنوری یا فروری میں ہوگی۔ اس موقع پر انہوں نے کہا کہ پوجا کو اسلام میں دلچسپی ہے اور وہ جلد مسلمان ہونے کا ارادہ رکھتی ہیں۔32 سالہ رضا حسن مستقل طور پر پاکستان چھوڑ کر امریکہ منتقل ہو چکے ہیں۔ انہوں نے پاکستان کی طرف سے ایک ون ڈے اور 10 ٹی ٹوئنٹی انٹرنیشنل میچز میں ملک کی نمائندگی کی ہے۔
