محمد یوسف نے قومی سلیکشن کمیٹی سے استعفیٰ دے دیا

قومی ٹیم کی سلیکشن کمیٹی کے ممبر محمد یوسف نے ذاتی وجوہات کی بنا پر اپنے عہدے سے استعفیٰ دے دیا ہے۔ انہوں نے سماجی رابطے کی سائٹ پر ایک پیغام میں کہا کہ انہوں نے پاکستان ٹیم کی کامیابی میں اپنا کردار ادا کیا اور کھلاڑیوں کے جذبے اور ٹیلنٹ پر یقین رکھتے ہیں۔

محمد یوسف نے قومی ٹیم کے لئے نیک تمناؤں کا اظہار کرتے ہوئے کہا کہ وہ مزید کامیابیاں حاصل کرے۔

یہ یاد رہے کہ ٹی20 ورلڈکپ کے بعد پاکستان کرکٹ بورڈ (پی سی بی) نے مختلف سلیکشن کمیٹی کے اراکین کو قومی ٹیم کی خراب کارکردگی کی بنیاد پر ہٹا دیا تھا۔ اس ضمن میں وہاب ریاض، عبدالرزاق، بلال افضل اور دیگر کو عہدوں سے الگ کیا گیا تھا، جبکہ محمد یوسف اور اسد شفیق جیسے سابق کرکٹرز کو نئی کمیٹی میں شامل کیا گیا تھا۔