کچے میں پنجاب پولیس کی کارروائی: بدنام زمانہ ڈاکو اختر عرف موٹی ہلاک

پنجاب پولیس نے کچے کے علاقے میں ایک اہم کارروائی کے دوران بدنام زمانہ ڈاکو اختر عرف موٹی کو ہلاک کر دیا۔

ترجمان پنجاب پولیس کے مطابق، کچے کے علاقے میں جرائم پیشہ افراد کے خلاف جاری آپریشن کے تحت راجن پور کے بنگلہ اچھا سرکل میں ڈاکوؤں کے ساتھ شدید فائرنگ کا تبادلہ ہوا۔ اس کارروائی کے دوران، ڈاکوؤں اور پولیس کے مابین دو طرفہ گولیوں کا تبادلہ ہوا، جس کے نتیجے میں اختر عرف موٹی ہلاک ہوگیا۔ وہ قتل، اقدام قتل، اغوا برائے تاوان اور ڈکیتی سمیت متعدد مقدمات میں مطلوب تھا۔

آئی جی پنجاب ڈاکٹر عثمان انور نے راجن پور پولیس کی کارکردگی کو سراہتے ہوئے خطرناک ڈاکو کو کیفر کردار تک پہنچانے پر انہیں شاباش دی۔