کراچی: پاکستانی ڈرامہ انڈسٹری کی مقبول اداکارہ حبا بخاری نے ایک ٹی وی شو کے دوران ایک دلچسپ سوال کا جواب دے کر سب کو حیران کر دیا۔
شو کے دوران ایک خاتون مداح نے حبا بخاری سے پوچھا کہ وہ کس اداکار کے ساتھ کام کرنا پسند کریں گی اور ان کی نظر میں وہ کس اداکار کے ساتھ اچھی لگتی ہیں؟ اس پر حبا بخاری نے کہا کہ “اداکاری خود ایک فن ہے، اور یہاں ہر فنکار کو مختلف لوگوں کے ساتھ کام کرنا پڑتا ہے۔”
خاتون مداح کے جواب پر کہ “آپ ہر اداکار کے ساتھ اچھی لگتی ہیں”، حبا بخاری نے مسکراتے ہوئے کہا کہ “شکریہ، لیکن میں سب سے زیادہ اپنے شوہر کے ساتھ اچھی لگتی ہوں۔” اداکارہ نے مزید کہا کہ “مجھے اپنے شوہر کے ساتھ کوئی دوسری خاتون اچھی نہیں لگتی۔”
حبا بخاری کے شوہر آریز احمد بھی ایک معروف اداکار ہیں اور وہ اپنی اہلیہ کے ساتھ کئی ڈراموں میں کام کر چکے ہیں۔
