آنکھوں پر پٹی باندھ کر ایک منٹ میں 41 پکل بال سرونگ کر نیکا گینیز ورلڈ ریکارڈ قائم

امریکا کے سیریل ریکارڈ ساز ڈیوڈ رش نے ایک اور شاندار کامیابی حاصل کی ہے، جب انہوں نے آنکھوں پر پٹی باندھ کر ایک منٹ میں 41 پکل بال سرونگ کر کے گینیز ورلڈ ریکارڈ قائم کیا۔ یہ نیا ریکارڈ پچھلے ریکارڈ سے تقریباً دوگنا ہے، جو صرف 23 سروز پر مشتمل تھا۔

ڈیوڈ رش، جو کہ امریکی ریاست آئیڈاہو سے تعلق رکھتے ہیں، نے بتایا کہ انہوں نے یہ ریکارڈ بنانے کا فیصلہ پچھلے ریکارڈ کی ویڈیو دیکھنے کے بعد کیا تھا۔ ان کے مطابق، جب انہوں نے یہ ریکارڈ دیکھا، تو انہیں احساس ہوا کہ اس میں بہتری لائی جا سکتی ہے۔

ڈیوڈ نے اپنی کوشش کے دوران ایک منٹ میں 43 بالز سروس اسکوائر میں مارے، لیکن گینیز ورلڈ ریکارڈ نے ایک سروس کو نامعلوم وجوہات کی بنا پر خارج کر دیا، جس کے بعد 41 بالز کی سرونگ کو ریکارڈ کے طور پر تسلیم کیا گیا۔

یہ ریکارڈ ڈیوڈ رش کی مسلسل محنت اور عزم کا عکاس ہے، جو مختلف اقسام کے غیر معمولی ریکارڈز قائم کر چکے ہیں اور اس سے پہلے بھی کئی گینیز ورلڈ ریکارڈز اپنے نام کر چکے ہیں۔ ان کی کامیابیاں ثابت کرتی ہیں کہ درست حکمت عملی، پریکٹس اور عزم سے کوئی بھی ریکارڈ توڑا جا سکتا ہے۔