سونے کی قیمتوں میں مسلسل اضافے کا سلسلہ جاری

کراچی: سونے کی عالمی و مقامی منڈیوں میں قیمتوں میں مسلسل اضافے کا سلسلہ جاری ہے، جس کی وجہ سے سونا روز بروز مہنگا ہوتا جا رہا ہے۔

جمعرات کو عالمی بلین مارکیٹ میں فی اونس سونے کی قیمت میں 37 ڈالر کا اضافہ ہوا، جس کے بعد عالمی قیمت 2668 ڈالر فی اونس تک پہنچ گئی۔

دوسری طرف، مقامی صرافہ بازاروں میں بھی 24 قیراط والے فی تولہ سونے کی قیمت میں 3700 روپے کا بڑا اضافہ ہوا، جس سے اس کی نئی قیمت 2 لاکھ 78 ہزار روپے فی تولہ ہو گئی۔ اسی طرح، فی 10 گرام سونا 3172 روپے اضافے کے ساتھ 2 لاکھ 38 ہزار 340 روپے کی قیمت پر فروخت ہو رہا ہے۔

پاکستان میں چاندی کی قیمت بھی 200 روپے بڑھ کر 3450 روپے فی تولہ ہو گئی۔