راولپنڈی: ڈینگی وائرس میں مبتلا ایک اور مریض دم توڑ گیا، جس کے بعد ضلع میں جاں بحق افراد کی تعداد 10 ہوگئی ہے۔اسپتال ذرائع کے مطابق، 26 سالہ رقیہ دختر عامر کو تیز بخار کے باعث ہولی فیملی اسپتال لایا گیا، اور وہ ڈھوک منشی کے علاقے سے تعلق رکھتی تھیں۔
راولپنڈی میں ڈینگی ایمرجنسی بھی نافذ کر دی گئی ہے، جس کا نفاذ ڈینگی کے روزانہ بڑھتے ہوئے کیسز کی وجہ سے کمیٹی کی سفارشات پر کیا گیا۔ڈیپٹی کمشنر راولپنڈی حسن وقار چیمہ نے ڈینگی ایمرجنسی کا نوٹیفکیشن جاری کرتے ہوئے کہا کہ ہیلتھ اتھارٹی راولپنڈی ڈینگی ایمرجنسی سے بچاؤ کے لیے ضروری خصوصی اقدامات کو یقینی بنائے گی۔
