لندن۔ایک نئی تحقیق کے مطابق، اے آئی ٹیکنالوجی ابھی اسپتال کے ایمرجنسی روم میں استعمال کے لیے تیار نہیں ہے۔تحقیق سے پتہ چلا ہے کہ چیٹ جی پی ٹی بعض مریضوں کے لیے غیر ضروری ایکس رے اور اینٹی بائیوٹکس تجویز کر سکتا ہے، جبکہ دیگر کو اسپتال میں داخل ہونے کا مشورہ دے سکتا ہے، حالانکہ انہیں علاج کی ضرورت نہیں ہوتی۔
یہ نتائج “نیچر کمیونیکیشنز” کے جریدے میں شائع کیے گئے ہیں۔ یونیورسٹی آف کیلیفورنیا، سان فرانسسکو کے پوسٹ ڈاکٹریٹ اسکالر اور سرکردہ محقق کرس ولیمز نے کہا کہ یہ ایک اہم پیغام ہے کہ طبی ماہرین کو اے آئی ماڈلز پر اندھا اعتماد نہیں کرنا چاہیے۔
ولیمز نے مزید وضاحت کی کہ اگرچہ چیٹ جی پی ٹی طبی امتحان کے سوالات کے جوابات دے سکتا ہے اور کلینیکل نوٹس تیار کرنے میں مدد کر سکتا ہے، لیکن یہ موجودہ وقت میں ایسے حالات کے لیے ڈیزائن نہیں کیا گیا جہاں ایک سے زیادہ پہلوؤں کا تجزیہ ضروری ہو، جیسے ایمرجنسی ڈیپارٹمنٹ کے حالات۔
