اسرائیلی جنگی جنون بے لگام، دمش پر بھی فضائی حملے

اسرائیلی جنگی جنون بے لگام ہو گیا ہے، جس کے نتیجے میں غزہ، لبنان اور یمن کے بعد اب شام کے دارالحکومت دمشق پر بھی فضائی حملے کیے گئے ہیں۔

غیر ملکی میڈیا کی رپورٹس کے مطابق، دمشق میں ہونے والے اسرائیلی فضائی حملوں میں معروف ٹی وی اینکر سمیت تین افراد شہید ہو گئے ہیں۔ شامی وزارت دفاع نے بتایا کہ اسرائیل نے طیاروں اور ڈرونز کے ذریعے دمشق کو نشانہ بنایا، جبکہ دفاعی نظام نے کئی میزائلوں اور ڈرونز کو فضا میں ہی تباہ کر دیا۔

اس حملے کے نتیجے میں تین شہری ہلاک اور نو زخمی ہوئے، جن میں سے ایک دھماکہ شام کی ٹیلی کام بلڈنگ کے قریب ہوا۔

امریکی نشریاتی ادارے کے مطابق، اسرائیل نے شام پر حملوں کی اطلاعات پر تبصرے سے انکار کر دیا ہے، جس سے صورتحال کی مزید کشیدگی کا اندیشہ ہے۔