لاہور۔وزیر اعلیٰ پنجاب مریم نواز نے امن کی اہمیت پر زور دیتے ہوئے کہا کہ پاکستان کو فتنہ و فساد کی نہیں بلکہ امن و خوشحالی کی ضرورت ہے۔ انہوں نے اس بات پر زور دیا کہ امن ہی ترقی کا ضامن ہے اور بدامنی معاشرتی زوال کا باعث بنتی ہے۔ مریم نواز نے کہا کہ ہر فرد کو امن کی خاطر اپنا کردار ادا کرنا چاہیے اور تشدد کے راستے اپنانے والوں کو قوم کا دشمن قرار دیا۔
انہوں نے افواج، پولیس اور دیگر سیکورٹی فورسز کی خدمات کو سراہا اور کہا کہ عالمی سطح پر بھی امن کا خواب دیکھنے والے قابل تحسین ہیں۔ مریم نواز نے کشمیر اور فلسطین جیسے مسائل کے حل کے لیے بھی امن کی کوششوں کو اہمیت دی۔
