بیجنگ: پاکستان ہاکی ٹیم نے چین کو پانچ گول کے مقابلے میں ایک گول سے شکست دے کر ایشین چیمپئنز ٹرافی کے سیمی فائنل میں جگہ بنا لی۔ 14 ستمبر کو پاکستان کا آخری گروپ میچ بھارت کے خلاف ہوگا۔ اس ٹورنامنٹ میں پاکستان کی طرف سے حنان شاہد اور ندیم احمد نے دو دو گول اسکور کیے، جبکہ عبدالرحمن نے ایک گول کیا۔ چار میچز کے بعد پاکستان کے مجموعی پوائنٹس کی تعداد آٹھ ہو گئی ہے۔ پاکستان کا آخری لیگ میچ روایتی حریف بھارت کے ساتھ ہوگا، اور دونوں ٹیمیں اب تک ایونٹ میں ناقابل شکست رہی ہیں۔
