ممبئی: بالی ووڈ اداکارہ وانی کپور نے عالمی شہرت یافتہ پاکستانی سپر اسٹار فواد خان کے لیے اپنی محبت کا اظہار کیا ہے۔
وانی کپور نے حال ہی میں ایک انٹرویو میں کہا کہ انہوں نے فواد خان کے متعدد ڈرامے اسٹریمنگ پلیٹ فارمز پر دیکھے ہیں اور انہیں فواد خان کی اداکاری بہت پسند ہے۔ وانی نے بتایا کہ جب بھی وقت ملتا ہے، وہ اپنی والدہ کے ساتھ فواد خان کے ڈرامے دیکھتی ہیں۔
میری شادی میں والدین نے شرکت نہیں کی تھی، مدیحہ امام
اداکارہ نے مزید کہا کہ ان کی والدہ بھی فواد خان اور ان کے ڈراموں کی مداح ہیں، اور فواد خان کی اداکاری کی تعریف کرتے ہوئے کہا کہ ان کا ہر کردار پچھلے کردار سے مختلف ہوتا ہے۔ وانی نے فواد خان کے دو مشہور ڈراموں، ‘ہمسفر’ اور ‘زندگی گلزار ہے’، کو خاص طور پر پسندیدگی کا اظہار کیا۔
وانی کپور نے انٹرویو کے دوران فواد خان کے ساتھ بالی ووڈ فلم میں کام کرنے کی خبروں کی تصدیق یا تردید نہیں کی، مگر بھارتی میڈیا میں یہ افواہیں گردش کر رہی ہیں کہ فواد خان بہت جلد وانی کپور کے ساتھ ایک نئی فلم میں نظر آئیں گے۔
میڈیا رپورٹس کے مطابق، اس فلم کی ہدایت آرتی بگدی کریں گی اور فواد خان برطانیہ کے ایک شیف کا کردار ادا کریں گے۔ فلم کی شوٹنگ لندن اور دبئی میں کی جائے گی۔
