اسلام آباد۔اپوزیشن اتحاد تحریک تحفظ آئین پاکستان کے سربراہ محمود خان اچکزئی نے عوام پاکستان کے سربراہ شاہد خاقان عباسی سے ملاقات کی ہے، دونوں رہنماؤں کی اسلام آباد میں ہونے والی ملاقات میں اس بات ہر اتفاق کہ ملک کے استحکام کا واحد حل آئین پاکستان کی پاسداری میں ہے۔ شاہد خاقان کا کہنا تھا کہ موجودہ حالات میں وہ کسی قسم کے کسی بھی اتحاد میں شامل نہیں ہونا چاہتے۔ انکا کہنا تھا کہ ملک کی سمت تب ٹھیک ہو گی جب اسکو آئین کے تحت چلایا جائیگا۔
