لاہور۔ اداکارہ نور بخاری نے اپنی ازدواجی زندگی کے بارے میں بتایا ہے کہ انہوں نے تین مردوں سے چار شادیاں کیں، جن میں سیاستدان عون چوہدری سے دو شادیاں بھی شامل ہیں۔فلمی دنیا کو الوداع کہنے کے بعد اسلامی تعلیمات کے مطابق زندگی گزارنے والی نور بخاری نے حال ہی میں حافظ احمد کے پوڈکاسٹ میں شرکت کی۔انہوں نے لوگوں میں اپنی شادیوں کے بارے میں موجود غلط فہمیوں کو دور کرتے ہوئے وضاحت کی کہ انہوں نے چار نہیں بلکہ تین مردوں سے شادیاں کی ہیں، لیکن لوگوں نے ان کی پانچ شادیاں بنا دی ہیں، جو کہ درست نہیں ہے۔ان کا کہنا تھا کہ عون چوہدری کے ساتھ ان کی پہلی شادی طلاق پر ختم ہوئی تھی، لیکن دوبارہ ان کے ساتھ شادی کی، جو کہ ان کی موجودہ شادی ہے اور مجموعی طور پر یہ ان کی چوتھی شادی ہے۔عون چوہدری کے علاوہ، انہوں نے دو دیگر مردوں سے بھی دو شادیاں کیں۔نور بخاری نے مزید بتایا کہ ان کے تین بچے ہیں اور ان سب کے والد عون چوہدری ہیں۔ ان کی بڑی بیٹی فاطمہ ہے، جس کی عمر 11 سال ہے، جبکہ دوسری بیٹی شہربانو 4 سال کی ہے اور بیٹا محمد علی رضا ایک سال کا ہے۔
