کراچی۔ BYD جو دنیا کی سب سے بڑی نئی توانائی کی گاڑیوں (NEV) کی بنانے والی کمپنی ہے،17 اگست کو پاکستان میں ایک شاندار برانڈ لانچ کرنے کے لیے Mega Motor Company پرائیویٹ لمیٹڈشراکت کررہی ہے۔ اس موقع پر BYD کی مسافر گاڑیوں کو پاکستانی مارکیٹ میں متعارف کرایا جائے گا۔
مارچ میں اس شراکت داری کے اعلان کے بعد یہ تعاون مکمل طور پر الیکٹرک اور پلگ ان ہائیبریڈ الیکٹرک گاڑیوں کو پاکستان میں متعارف کرانے کا ارادہ رکھتا ہے
جو 2022 اور 2023 میں دنیا کی NEV سیلز چیمپئن کمپنی کا پاکستانی مارکیٹ میں قدم ہوگا۔ اس اقدام سے پاکستان کی آٹوموبائل مارکیٹ میں انقلاب متوقع ہے، جو پائیدار اور توانائی کی بچت والی ٹرانسپورٹ کی تلاش میں ہے۔
BYD نے نئی توانائی کی گاڑیوں کی پیداوار میں عالمی حریفوں کو پیچھے چھوڑتے ہوئے 2022 اور 2023 میں سب سے بڑی فروخت کنندہ بننے کا اعزاز حاصل کیا۔
مئی 2021 میں اپنی ایک ملین نئی گاڑی کے رول آف کے بعد BYD نے تین سال سے بھی کم عرصے میں آٹھ ملین گاڑیوں کا سنگ میل عبور کیا، اور دنیا کی پہلی آٹوموبائل کمپنی بن گئی جو یہ کامیابی حاصل کر چکی ہے۔
17 اگست کو پاکستان میں ہونے والے برانڈ لانچ میں BYD کے جدید ماڈلز کی نمائش کی جائے گی۔
میگا موٹر کمپنی کے CEO علی خان نے کہاBYD کے ساتھ شراکت داری Mega Motor Co. کے وژن کی عکاسی کرتی ہے جو قومی معیشت کی حمایت اور پاکستان پر ماحولیاتی تبدیلیوں کے اثرات کو کم کرنے کے لیے ہے۔
ہم حکومت کے وژن کو پورا کرنے میں خوش ہیں، جو سڑکوں پر نئی توانائی کی گاڑیوں کی تعداد بڑھانے اور تیل کی کھپت کم کرنے پر مرکوز ہے۔
یہ شراکت داری پاکستان کی آٹوموبائل صنعت کے لیے ایک اہم سنگ میل ہے اور پائیدار مستقبل کی طرف ہمارے مشترکہ اقدامات کی نمائندگی کرتی ہے۔
یہ شراکت داری BYD کی جدید نئی توانائی کی گاڑیوں کو پاکستان میں لانے کے ساتھ ساتھ ایک جامع چارجنگ انفراسٹرکچر قائم کرنے کا بھی منصوبہ رکھتی ہے
جو NEVs کی وسیع پیمانے پر اپنائیت کے لیے ضروری ہے۔ یہ اقدام پاکستان کے کاربن کے اثرات کو کم کرنے اور توانائی کی کارکردگی کو بہتر بنانے کے اہداف کے ساتھ ہم آہنگ ہے۔
BYD جدید ٹیکنالوجی اور اعلی معیار کی خدمات فراہم کرنے کے لیے پرعزم ہے، جو پاکستان کو اپنے پائیدار ترقی کے اہداف حاصل کرنے میں مدد دے گا۔
