امریکہ کی ایک جدید ٹیکنالوجی کمپنی الیف ایروناٹکس نے ایک منفرد الیکٹرک گاڑی ’’ماڈل اے‘‘ تیار کر لی ہے، جو نہ صرف زمین پر دوڑ سکتی ہے بلکہ کھڑے کھڑے فضا میں بھی بلند ہونے کی صلاحیت رکھتی ہے۔
یہ اڑنے والی کار ایک چارج پر 110 میل تک فضا میں پرواز کر سکتی ہے، جبکہ سڑک پر چلنے کی صورت میں اس کی حد 200 میل ہے۔
اس جدید کار کی قیمت تین لاکھ امریکی ڈالر سے زائد ہے، اس کے باوجود کمپنی کو اب تک 3,200 سے زیادہ بکنگ آرڈرز موصول ہو چکے ہیں، جو اس اختراعی ایجاد میں عوامی دلچسپی کا ثبوت ہیں۔
کمپنی کے مطابق ’’ماڈل اے‘‘ بہت جلد مارکیٹ میں فروخت کے لیے دستیاب ہوگی، تاہم امریکہ میں صرف وہی افراد اس گاڑی کو ہوا میں اڑا سکیں گے جن کے پاس کم از کم 40 گھنٹوں کا لائٹ ایئرکرافٹ فلائنگ تجربہ ہو۔
اس گاڑی کی تخلیق کا بنیادی مقصد شہری ٹریفک جام سے نجات فراہم کرنا ہے، تاکہ لوگ آسانی سے فضائی راستے اختیار کر سکیں اور وقت کی بچت ممکن ہو۔
