کراچی: شہر قائد میں آج ہوا کے جھونکے چلنے کی توقع ہے، جبکہ محکمہ موسمیات نے آئندہ دنوں کے موسم کی پیش گوئی بھی جاری کر دی ہے۔
گزشتہ چند دنوں میں خاص طور پر عید کے ایام میں دن کے اوقات میں کراچی میں شدید گرمی کا سامنا رہا، جبکہ رات کے وقت موسم قدرے معتدل رہا۔ محکمہ موسمیات کے مطابق آج شہر میں مختلف سمتوں سے 5 سے 25 کلومیٹر فی گھنٹہ کی رفتار سے ہوائیں چلنے کی توقع ہے۔
کراچی میں گزشتہ روز زیادہ سے زیادہ درجہ حرارت 38.1 ڈگری سینٹی گریڈ ریکارڈ کیا گیا، اور آئندہ 24 گھنٹوں میں زیادہ سے زیادہ درجہ حرارت 39 ڈگری سینٹی گریڈ جبکہ کم سے کم 20 ڈگری سینٹی گریڈ رہنے کا امکان ہے۔
آج کراچی میں کم سے کم درجہ حرارت 20 ڈگری سینٹی گریڈ ریکارڈ کیا گیا۔ محکمہ موسمیات نے بتایا کہ آئندہ 24 گھنٹوں کے دوران موسم گرم اور خشک رہنے کا امکان ہے، اور آسمان صاف رہے گا۔
