عالمی منڈی میں تیل کی قیمتوں میں کمی کے پیش نظر پاکستان میں بھی پیٹرول کی فی لیٹر قیمت میں 13 سے 15 روپے تک کمی متوقع ہے۔
باخبر ذرائع کے مطابق بین الاقوامی سطح پر پیٹرولیم مصنوعات کی قیمتوں میں کمی کے سبب مقامی سطح پر آئندہ پندرہ روز کے لیے حکومت کی جانب سے ایندھن کی قیمتوں میں نمایاں کمی کا امکان ہے۔
ذرائع کے مطابق پیٹرول کی فی لیٹر قیمت میں 13 سے 15 روپے جبکہ ڈیزل کی قیمت میں 11 روپے تک کمی متوقع ہے۔
پیٹرولیم نرخوں میں ممکنہ ردوبدل کے سلسلے میں اوگرا اپنی سفارشات مرتب کرے گا، جن پر وزیراعظم حتمی فیصلہ کریں گے، اور بعد ازاں وزارت خزانہ کی جانب سے باضابطہ اعلامیہ جاری کیا جائے گا۔
