اسلام آباد ۔ایک ہی دن میں آسٹریلوی کرکٹ ٹیم کو تین بڑے دھچکے لگے، مارک سٹوئنس کے بعد کپتان پیٹ کمنز اور جوش ہیزل ووڈ بھی کینگروز سکواڈ سے باہر ہو گئے ہیں۔ آسٹریلیا کے فاسٹ بولر جوش ہیزل ووڈ کے ٹیم سے باہر ہونے کے بعد مارک سٹوئنس نے آج ہی ون ڈے کرکٹ سے ریٹائرمنٹ کا اعلان کیا۔
آسٹریلیا کو چیمپئنز ٹرافی کے ابتدائی سکواڈ میں 4 تبدیلیاں کرنی پڑی ہیں، اور آسٹریلیا سری لنکا کے خلاف ٹیسٹ کے اختتام پر سکواڈ کو حتمی شکل دے گا۔ پیٹ کمنز ٹخنے کی انجری سے مکمل طور پر صحت یاب نہیں ہو سکے، جبکہ جوش ہیزل بھی انجری کا شکار ہیں۔ آسٹریلیا کے دونوں فاسٹ بولرز کو ری ہیب کے لیے مزید وقت کی ضرورت ہے۔ مزید پڑھیں: چیمپئنز ٹرافی کا سیمی فائنل کون سی ٹیمیں کھیلیں گی؟ سابق کرکٹر کی بڑی پیشگوئی۔ اس حوالے سے آسٹریلیا کے چیف سلیکٹر جارج بیلی کا کہنا ہے کہ بدقسمتی سے پیٹ کمنز، جوش ہیزل ووڈ اور مچل مارش انجری کا شکار ہیں، اور انہوں نے یہ بھی کہا کہ چیمپئنز ٹرافی سے پہلے یہ کھلاڑی مکمل طور پر فٹ نہیں ہو سکیں گے۔
