2008 میں ہونے والے انڈین پریمیئر لیگ (آئی پی ایل) کے افتتاحی ایڈیشن کے بعد سے پاکستانی کرکٹرز آئی پی ایل کا حصہ نہیں بن سکے ہیں، اور ہر بار جب پاکستان اور بھارت کے کرکٹ تعلقات کی بات ہوتی ہے تو اس کا تذکرہ لازمی طور پر آتا ہے۔
حال ہی میں بی سی سی آئی کے نائب صدر راجیو شکلا سے سوال کیا گیا کہ کیا دنیا آئی پی ایل میں دوبارہ پاکستانی کھلاڑیوں کو دیکھ سکے گی؟
راجیو شکلا نے اس سوال کا جواب دیتے ہوئے کہا کہ:
پاکستانی کمنٹیٹرز اور امپائرز کو بی سی سی آئی نے آئی پی ایل میں شامل رکھا ہے۔
جہاں تک کھلاڑیوں کا تعلق ہے، اس کا انحصار فرنچائزز پر ہے۔
بی سی سی آئی پاکستانی کھلاڑیوں کو آکشن میں شامل نہیں کرتی اور فرنچائزز بھی ان کا انتخاب نہیں کرتی۔
کچھ فرنچائزز نے پاکستانی کھلاڑیوں کی آئی پی ایل میں شمولیت پر بات کی ہے، لیکن اس وقت معاملات تھوڑے مشکل ہیں۔
یہ بات بھی اہم ہے کہ پاکستانی کھلاڑیوں پر 2009 سے پابندی عائد ہونے کے باوجود وسیم اکرم اور رمیز راجہ جیسے سابق پاکستانی کرکٹرز آئی پی ایل کا حصہ بن چکے ہیں:
وسیم اکرم 2010 سے 2016 تک کلکتہ نائٹ رائیڈرز کے بولنگ کوچ رہے۔
رمیز راجہ 2014 تک آئی پی ایل میں کمنٹیٹر کے طور پر فرائض انجام دیتے رہے۔
