دبئی ۔بالی ووڈ کے سپر اسٹار شاہ رخ خان کی دبئی میں ایک پاکستانی خاتون مداح سے ملاقات کی ویڈیو سوشل میڈیا پر وائرل ہو رہی ہے۔
حال ہی میں شاہ رخ خان نے دبئی کے معروف ’گلوبل ولیج‘ کلچرل سینٹر میں منعقدہ ایک ایونٹ میں شرکت کی، جہاں انہوں نے اپنے مقبول گانوں پر شاندار پرفارمنس بھی دی۔ اس دوران، اداکار نے اپنے کئی مداحوں سے ملاقات کی، جن میں ایک پاکستانی خاتون بھی شامل تھیں۔
پاکستانی مداح اسٹیج پر آئیں اور شاہ رخ خان سے ملاقات کرتے ہوئے بتایا کہ پورا پاکستان ان سے بے حد محبت کرتا ہے۔ اس موقع پر اداکار نے نہ صرف ان کے ساتھ تصویریں کھنچوائیں بلکہ محبت بھرا انداز بھی اپنایا۔
شاہ رخ خان کی اس دوستانہ گفتگو اور پاکستانی مداح سے گرم جوشی سے ملنے کے انداز کو خوب سراہا جا رہا ہے۔ وائرل ہونے والی اس ویڈیو پر سوشل میڈیا صارفین کی جانب سے دلچسپ تبصرے کیے جا رہے ہیں۔
