اسلام آباد ۔اسلامی نظریاتی کونسل میں تقرری کا عمل مکمل کر لیا گیا ہے، اور صدر مملکت کی جانب سے چار اراکین کی تعیناتی کی منظوری کے بعد کونسل کے اراکین کی تعداد 20 ہو گئی ہے۔
اسلامی نظریاتی کونسل کے اعلامیے کے مطابق، صدر مملکت نے چار نئے اراکین کی تعیناتی کی منظوری دی ہے، جو تین سال کے لیے خدمات انجام دیں گے۔
وفاقی وزارت قانون نے ان اراکین کی تعیناتی کا نوٹیفکیشن جاری کر دیا ہے۔
نوٹیفکیشن کے مطابق، رانا شفیق پسروری کو دوسری مرتبہ تین سال کے لیے اسلامی نظریاتی کونسل کا رکن مقرر کیا گیا ہے۔ دیگر تعینات ہونے والے اراکین میں صاحبزادہ حافظ محمد امجد، سید سعید الحسن، اور سید عتیق الرحمان شامل ہیں۔
