لاہور۔جویریہ عباسی، پاکستان کی معروف ٹی وی اداکارہ ہیں جنہوں نے اپنے شوبز کیریئر کا آغاز پی ٹی وی سے کیا۔ ان کے مشہور اور یادگار ڈراموں میں “تانا بانا”، “رقص بسمل”، “آخر کب تک”، “ببن خالہ کی بیٹیاں”، “شہنائی”، “بد گمان” اور “بے قصور” شامل ہیں۔
جویریہ عباسی نے معروف اداکار شمعون عباسی سے اپنی پہلی شادی کی تھی، تاہم یہ تعلق کامیاب نہ ہو سکا اور انہوں نے طلاق لے کر اپنے راستے الگ کرلیے۔ ان کی ایک بیٹی انزیلا عباسی ہے، جو خود بھی شادی شدہ ہیں۔
حال ہی میں، جویریہ عباسی نے رمضان المبارک 2024 میں اپنے قریبی دوست عدیل حیدر سے دوبارہ شادی کی۔ اداکارہ اکثر اپنے شوہر کے ساتھ خوشگوار تصاویر شیئر کرتی رہتی ہیں۔
آج، جویریہ عباسی نے اپنے شوہر عدیل حیدر کے ساتھ خاندانی شادی کی خوبصورت تصاویر سوشل میڈیا پر شیئر کیں۔ ان تصاویر میں جویریہ سبز رنگ کے تازہ لباس میں نظر آ رہی ہیں، جس میں وہ بہت خوش و خرم دکھائی دیتی ہیں، جبکہ ان کے شوہر عدیل حیدر نے بھی میچنگ سبز لباس پہنا ہوا ہے، جو ان دونوں کی ہم آہنگی کو اور بڑھاتا ہے۔
