راولپنڈی پولیس نے گرجا گھروں کی سکیورٹی کے لیے مؤثر انتظامات کیے ہیں۔ پولیس کے 400 سے زائد افسران سکیورٹی کے فرائض سرانجام دے رہے ہیں، جن میں تھانوں کی موبائلز، ایلیٹ فورس اور ڈولفن کی ٹیمیں شامل ہیں جو علاقے میں گشت کر رہی ہیں۔ گرجا گھروں میں عبادت کے لیے آنے والے افراد کی سکیورٹی کو یقینی بنانے کے لیے مکمل باڈی سرچنگ کی جا رہی ہے۔
سی پی او سید خالد ہمدانی نے ڈیوٹی پر تعینات پولیس افسران کو ہدایت دی کہ وہ الرٹ رہ کر اپنے فرائض انجام دیں اور ارد گرد کے ماحول اور مشکوک افراد پر کڑی نظر رکھیں۔ انہوں نے کہا کہ عبادت کے لیے گرجا گھروں میں آنے والے افراد سے خوش اخلاقی سے پیش آیا جائے اور ان کی سکیورٹی کو ہر صورت یقینی بنایا جائے۔ سی پی او کا کہنا تھا کہ راولپنڈی پولیس بین المذاہب ہم آہنگی کے فروغ کے لیے تمام ممکنہ اقدامات کر رہی ہے اور اقلیتوں کے حقوق کے تحفظ اور امن و امان کو برقرار رکھنے کے لیے تمام وسائل بروئے کار لا رہی ہے۔
سی پی او سید خالد ہمدانی نے ڈیوٹی پر تعینات پولیس افسران کو ہدایت دی کہ وہ الرٹ رہ کر اپنے فرائض انجام دیں اور ارد گرد کے ماحول اور مشکوک افراد پر کڑی نظر رکھیں۔ انہوں نے کہا کہ عبادت کے لیے گرجا گھروں میں آنے والے افراد سے خوش اخلاقی سے پیش آیا جائے اور ان کی سکیورٹی کو ہر صورت یقینی بنایا جائے۔ سی پی او کا کہنا تھا کہ راولپنڈی پولیس بین المذاہب ہم آہنگی کے فروغ کے لیے تمام ممکنہ اقدامات کر رہی ہے اور اقلیتوں کے حقوق کے تحفظ اور امن و امان کو برقرار رکھنے کے لیے تمام وسائل بروئے کار لا رہی ہے۔
