کراچی: پاکستانی شوبز انڈسٹری کی معروف میزبان و اداکارہ نادیہ خان نے مشہور اداکارہ حبا بخاری کے حاملہ ہونے کا انکشاف کیا ہے۔اس وقت نادیہ خان نجی ٹی وی چینل کے شو ‘کیا ڈرامہ ہے’ میں تجزیہ کار کے طور پر کام کر رہی ہیں، جہاں وہ مختلف پاکستانی ڈراموں پر اپنے خیالات کا اظہار کرتے ہوئے ان کے مثبت اور منفی پہلوؤں کو اجاگر کرتی ہیں۔اس شو میں نادیہ خان نے حبا بخاری اور دانش تیمور کے کامیاب ڈرامہ سیریل ‘جان نثار’ پر اپنا تجزیہ پیش کیا، اور اسی دوران انہوں نے ڈرامے کی ہیروئن حبا بخاری کے بارے میں ایک اہم انکشاف بھی کیا۔نادیہ خان نے بتایا کہ حبا بخاری حاملہ ہیں اور ان کے اور اداکار آریز احمد کے ہاں جلد پہلے بچے کی آمد متوقع ہے۔انہوں نے کہا کہ حبا بخاری نے ڈرامہ سیریل ‘جان نثار’ اور ‘رد’ کی شوٹنگ دوران حمل کی، اور اگر غور کریں تو ڈرامے کے کئی مناظرات میں حبا بخاری کا بڑھتا ہوا وزن اور چہرے کی سوجن بھی نمایاں نظر آئے گی۔نادیہ خان نے حبا بخاری اور ان کے شوہر آریز احمد کو پہلے بچے کے والدین بننے کی خوشخبری پر مبارکباد بھی دی۔دوسری جانب، حبا بخاری اور ان کے شوہر نے حمل کی خبر کو مداحوں اور سوشل میڈیا سے چھپائے رکھا ہے، اور اس جوڑے کی طرف سے ابھی تک اس خبر کا باقاعدہ اعلان نہیں کیا گیا۔یاد رہے کہ حبا بخاری نے 2022 میں اداکار آریز احمد سے شادی کی تھی۔
