لاہور۔شوبز انڈسٹری کی مشہور جوڑی، اداکارہ کبریٰ خان اور گوہر رشید کی شادی کی تاریخ سامنے آ گئی ہے۔
سوشل میڈیا پر مرزا گوہر رشید اور ان کی مستقبل کی شریک حیات، اداکارہ کبریٰ خان کی شادی کا کارڈ وائرل ہو رہا ہے، جس میں درج تاریخ کے مطابق یہ دونوں 2 فروری کو رشتہ ازدواج میں منسلک ہونے جا رہے ہیں۔
اس خوبصورت جوڑی کی شادی کا مداحوں کو بے حد انتظار تھا، کیونکہ ان کی شادی کی خبریں گزشتہ کچھ دنوں سے سوشل میڈیا پر زیر بحث تھیں۔
سوشل میڈیا پر گوہر اور کبریٰ کے مداحوں کی جانب سے نیک تمناؤں اور دعاؤں کا سلسلہ جاری ہے، اور لوگ جوڑے کے لئے محبت کا اظہار کر رہے ہیں۔
دوسری طرف، سوشل میڈیا پر یہ افواہیں بھی گردش کر رہی ہیں کہ کبریٰ اور گوہر کا نکاح سعودی عرب میں ہوگا، تاہم اس بارے میں اداکار کی طرف سے ابھی تک کوئی باضابطہ تصدیق نہیں کی گئی ہے۔
