اسلام آباد ۔پی ٹی آئی کے رہنما عمر ایوب نے کہا ہے کہ حکومت کی جانب سے مذاکرات کے لیے کمیٹی تشکیل دی گئی ہے، اور ہم ان کی نیت کا جائزہ لیں گے۔
عدالت میں پیشی کے دوران میڈیا سے گفتگو کرتے ہوئے عمر ایوب نے کہا کہ حکومت کے ساتھ مذاکرات کا پہلا دور آج ہو رہا ہے، اور دیکھتے ہیں کہ یہ مذاکرات کس سمت جاتے ہیں۔ ان کا کہنا تھا کہ ہم حکومت کی نیت کا بغور جائزہ لیں گے کہ آیا وہ سنجیدہ ہیں یا نہیں۔
عمر ایوب نے مزید کہا کہ بانی پی ٹی آئی سے ان کی ملاقات نہیں ہوئی، اور نہ ہی مذاکراتی ٹیم کی کوئی ملاقات ہوئی ہے۔ انہوں نے وضاحت کی کہ جب وہ ملاقات کے لیے گئے تو انہیں گرفتار کر لیا گیا تھا۔
انہوں نے یہ بھی کہا کہ پارٹی کے اندر کسی قسم کے اختلافات موجود نہیں ہیں، اور ہم متحد ہو کر آگے بڑھ رہے ہیں۔
