گلگت: گلگت کے ضلع استور سے راولپنڈی جانے والی باراتیوں کی بس دریائے سندھ میں گرنے کے باعث گیارہ افراد جاں بحق ہوگئے ہیں، جبکہ مزید افراد کی تلاش کے لیے ریسکیو آپریشن جاری ہے۔
تفصیلات کے مطابق، استور سے راولپنڈی کی طرف روانہ ہونے والی بس تھلیچی کے مقام پر تیز رفتاری اور ڈرائیور کی غفلت کی وجہ سے حادثے کا شکار ہوئی۔ تیز رفتاری کی وجہ سے گاڑی پر ڈرائیور کا کنٹرول ختم ہوگیا تھا، جس کے باعث بس پُل پر لگا جنگلا توڑتے ہوئے گہرائی میں جا کر دریا میں جاگری۔ حادثے میں 23 افراد سوار تھے، جن میں سے گیارہ افراد کی لاشیں ریسکیو آپریشن کے دوران نکالی جاچکی ہیں، جبکہ خاتون سمیت تین افراد کو زخمی حالت میں اسپتال منتقل کیا گیا ہے۔ مزید لاشوں کی تلاش کے لیے ریسکیو آپریشن جاری ہے۔
موقع پر موجود پولیس افسر کے مطابق، گاڑی ڈرائیور کے کنٹرول سے باہر ہونے کے بعد پُل کے جنگلے کو توڑتے ہوئے دریا میں جاگری اور پتھروں سے ٹکرا کر غرق ہوگئی۔
ڈپٹی کمشنر استور نے اس حادثے کو ڈرائیور کی غفلت اور لاپرواہی کا نتیجہ قرار دیا ہے، اور کہا ہے کہ واقعہ کی مزید تحقیقات کی جا رہی ہیں۔
اس سانحے پر وفاقی وزیر داخلہ محسن نقوی اور وزیر اعلیٰ مریم نواز نے گہرے دکھ اور افسوس کا اظہار کرتے ہوئے قیمتی جانوں کے ضیاع پر سوگوار خاندانوں سے تعزیت اور ہمدردی کا اظہار کیا ہے۔
تفصیلات کے مطابق، استور سے راولپنڈی کی طرف روانہ ہونے والی بس تھلیچی کے مقام پر تیز رفتاری اور ڈرائیور کی غفلت کی وجہ سے حادثے کا شکار ہوئی۔ تیز رفتاری کی وجہ سے گاڑی پر ڈرائیور کا کنٹرول ختم ہوگیا تھا، جس کے باعث بس پُل پر لگا جنگلا توڑتے ہوئے گہرائی میں جا کر دریا میں جاگری۔ حادثے میں 23 افراد سوار تھے، جن میں سے گیارہ افراد کی لاشیں ریسکیو آپریشن کے دوران نکالی جاچکی ہیں، جبکہ خاتون سمیت تین افراد کو زخمی حالت میں اسپتال منتقل کیا گیا ہے۔ مزید لاشوں کی تلاش کے لیے ریسکیو آپریشن جاری ہے۔
موقع پر موجود پولیس افسر کے مطابق، گاڑی ڈرائیور کے کنٹرول سے باہر ہونے کے بعد پُل کے جنگلے کو توڑتے ہوئے دریا میں جاگری اور پتھروں سے ٹکرا کر غرق ہوگئی۔
ڈپٹی کمشنر استور نے اس حادثے کو ڈرائیور کی غفلت اور لاپرواہی کا نتیجہ قرار دیا ہے، اور کہا ہے کہ واقعہ کی مزید تحقیقات کی جا رہی ہیں۔
اس سانحے پر وفاقی وزیر داخلہ محسن نقوی اور وزیر اعلیٰ مریم نواز نے گہرے دکھ اور افسوس کا اظہار کرتے ہوئے قیمتی جانوں کے ضیاع پر سوگوار خاندانوں سے تعزیت اور ہمدردی کا اظہار کیا ہے۔
