اسلام آبا د۔ایم کیو ایم کے رہنما فاروق ستار نے کہاہے کہ اگر ہم نے اداروں کو با اختیار نا بنایا تو یہ محنت بے کار ہو گی،اب ہمیں اپنے اپنے حلقوں میں جا کر عوام کی خدمت کرنا ہو گی، سیاسی ماحول سے لگتا ہے اونٹ کسی طرف بیٹھے نہ بیٹھے خیمہ پھاڑ کے نکلے گا،وہ پارلیمنٹ میں صحافیوں سے غیر رسمی گفتگو کررہے تھے ،فاروق ستار کا کہنا تھا کہ تمام جماعتوں میں اتفاق رائے پیدا کرنا حکومت کی ذمہ دار ی ہے اور یہ ذمہ داری حکومت بخوبی نبھارہی ہے ۔
