اسلام آباد ۔وزیر اطلاعات و نشریات عطا تارڑ نے کہا ہے کہ ہماری کوشش ہے کسی بھی طریقے سے اتفاق رائے پیدا کیا جائے، صحافیوں سے مختصر بات چیت کرتے ہوئے عطا تارڑنے کہا کہ بلاول بھٹو زرداری نے وزیراعظم اور مولانا فضل الرحمن سے ملاقاتیں کی ہیں،انہوں نے کہا کہ ہمارے نمبرز پورے ہیں لیکن اس کے باوجود سب کو ساتھ لے کر چلنا چاہ رہے ہیں ،اگر اتفاق رائے نہیں ہوتا تو جس طرح بلاول نے کہا اسی طرح کریں گے،مولانا فضل الرحمان سے پوری قوم کی امیدیں ہیں ،کسی قسم کا ڈیڈلاک نہیں ہے۔
